Shqipëria e ka nisur me fitore aventurën në Ligën e Kombeve duke mposhtur Bjellorusinë me rezultatin 2-0. Në ndeshjen e luajtur në “Air Albania”, kuqezinjtë arritën të zhbllokohen pas gjysmë ore lojë. Një 11-metërsh i fituar nga Gjimshiti u kthye në gol nga Asllani. Në fundin e pjesës së parë, Muçi dyfishoi shifrat.
Në pjesën e dytë, Muçi, Asllani dhe Manaj ishin një rrezik konstant për portën bjelloruse, por rezultati mbeti i pandryshuar deri në fund, 2-0 për kuqezinjtë.
Fokusi tashmë zhvendoset te sfida e radhës, San Marino – Shqipëri, më 29 shtator, në orën 20:45, në San Marino.
Shqipëri-Bjellorusi 2-0
Shënues: Asllani 34′(p), Muçi 45’+2
Mbyllet sfida, kuqezinjtë fitojnë 2-0 përballë Bjellorusisë
89’ – Uzuni shërben bukur për Dakun, i cili bën një lëvizje të zgjuar në zonën bjelloruse, por goditja e tij nuk ka saktësinë e duhur.
77’ – Asllani godet fuqishëm nga distanca, por vetëm rrjetë e jashtme.
67’ – Një tjetër mundësi për kuqezinjtë, me Muçin në një pozicion të favorshëm që godet jashtë.
64’ – Kuqezinjtë i afrohen golit të tretë. Goditja e dënimit e ekzekutuar nga Asllani ka mbërritur te Manaj, i cili e ka devijuar topin por pa arritur ta dërgojë në rrjetë.
56’ – Reagojnë kuqezinjtë, Asllani shërben mjaft mirë për Seferin, por goditja e këtij të fundit është e dobët, pritet me lehtësi nga portieri bjellorus.
55’ – Bjellorusët shfaqen rrezikshëm në zonën kuqezi, por goditja e Pechenin është e gabuar.
Ka nisur pjesa e dytë…
Mbyllet pjesa e parë në “Air Abania”, kuqezinjtë në avantazh 2-0 përballë Bjellorusisë me golat e shënuar nga Asllani nga pika e 11-metërshit dhe Muçi.
45’ +2 – Gooooool! Shërben Hysaj, Muçi nuk fal me goditjen e tij duke dyfishuar shifrat përballë Bjellorusisë.
38’ – Çfarë rasti për Manajn! Sulmuesi kuqezi kishte mundësinë të dyfishonte shifrat nga një pozicion i favorshëm, por goditja e tij ka përfunduar jashtë.
34’ – Gooooool. Asllani ka shënuar përballë Bjellorusisë nga pika e 11-metërshit, 1-0.
32’ – Kuqezinjtë kanë fituar një 11-metërsh, Gjimshiti është penguar nga Kontsevoi dhe gjyqtari ka treguar pikën e bardhë.
16′ – Muçi gjen Seferin, i cili godet me kokë, por ndalet nga mbrojtësit e Bjellorusisë.
8’ – Të rrezikshëm bjellorusët në fazën sulmuese, por Berisha në dy momente arrin të evitojë rrezikun.
5’ – Manaj ekzekuton një goditje dënimi në afërsi të zonës, topi përfundon mbi traversë.
3’ – Reagojnë bjellorusët, Malashevich ka një mundësi të mirë brenda zonës kuqezi, por godet në mënyrë të gabuar.
2’ – Hoxha jep sinjalin e parë në portën bjelloruse me një gjuajtje në afërsi të zonës, por pa arritur të gjejë kuadratin.
Ka nisur sfida në “Air Albania” mes Shqipërisë dhe Bjellorusisë, e vlefshme për Grupin 1 të Ligës C në Ligën e Kombeve.
Shqipëri-Bjellorusi 2-0
Shënues: Asllani 34′(p), Muçi 45’+2
Shqipëria: Berisha; Pilo, Gjimshiti, Ismajli, Hysaj, Ramadani, Asllani, Seferi, Muçi, Hoxha, Manaj. Trajner: Maran
Bjellorusia: Lapoukhov; Pechenin, Tsikhamirau, Volkov, Kalinin, Gromyko, Seliava, Ebong, Malashevich, Barkovski, Kontsevoi. Trajner: Gonchareknko
