Sipas Sky Sport italian, Salernitana do t’i kërkojë gjykatës italiane një dëmshpërblim prej 20 milionë eurosh nga Boulaye Dia , për refuzimin e hyrjes në fushë.
Senegalezi ishte thirrur nga trajneri i tij, Fabio Liverani, për tetë minutat e fundit të ndeshjes kundër Udineses , por ai nuk donte të ndihmonte ekipin e tij dhe përfundoi duke u hequr nga skuadra, përcjell GazetaBlic Sport.
Klubi vendosi të marrë masa ligjore dhe kjo shumë është për shkak të 15 milionëve që italianët i paguan Villarrealit në verë, plus pagën e lojtarit deri në fund të sezonit.
Trajneri tashmë është treguar i hapur për të folur me lojtarin, por sulmuesi duket se nuk është i gatshëm ta bëjë një gjë të tillë dhe pavarësisht se ka kontratë deri në vitin 2026, nuk pritet ta përmbushë në një mënyrë apo tjetër.
/GazetaBlic Sport/
