Rinovim tek Arsenali. Gunners kanë zgjatur bashkëpunimin me Takehiro Tomiyasun deri në verën e vitit 2026.
Lojtar për të cilin drejtuesit e klubit anglez paguan rreth 19 mln euro te Bologna në verën e vitit 2021.
25-vjeçari është një “xhol” i mbrojtjes, pasi i mbulon të gjithë pozicionet në repartin e tërhequr, edhe pse roli natyral është ai i anësorit të djathtë.
Me kalimin e kohës japonezi (41 ndeshje me Kombëtaren) ka arritur të fitojë besimin e trajnerit Arteta, teksa sot erdhi firma mbi kontratën e re.
“Jemi shumë të kënaqur për rinovimin e Tomit. Aftësitë e tij si forca natyrore, qëndrimi, mentaliteti dhe vlerat që zotëron, janë të klasit të parë.
Tomi është i dashur nga të gjithë. Është e admirueshme mënyra se si stërvitet, si dhe dëshira dhe vendosmëria që ka për të qenë çdo ditë versioni më i mirë i vetes“, u shpreh trajneri spanjoll i Arsenalit.
