Interi i Simone Inzagit është më i mirë sesa Interi i Antonio Kontes që u shpall kampion në sezonin 2020-2021. Të paktën këtë thonë statistikat. Skuadra që rigjeti rrugën e kampionatit në atë kohë dhe kishte në gjirin e saj lojtarë si Lukaku, Hakimi, Eriksen dhe të tjerë nuk ka pasur kaq ecuri pozitive sa Interi aktual i Simone Inzagit.
Edhe në aspektin e lojës është e dukshme diferenca. Ai ishte një Inter “i hekurt” që nuk pësonte lehtësisht gol dhe nisej në kundërsulm me shpejtësinë e Lukakut dhe Hakimit. Ky Inter është i ndërtuar mbi bazën e lojës sulmuese, rasteve të shumta dhe dominimit ndaj kundërshtarit. Nëse këto janë opinione, le të flasim për faktet dhe të krahasojmë ecurinë në 30 javët e para. Interi i Kontes kishte 74 pikë dhe distanca me Milanin ishte +11 pikë. Lukaku me shokë në atë kohë kishin 69 pikë dhe 27 të pësuar.
Ky Inter ka arritur të marrë 79 pikë dhe ka +14 pikë diferencë me Milanin. Zikaltrit në këtë sezon kanë arritur të shënojnë 73 gola dhe të pësojnë vetëm 14
PANORAMASPORT.AL
