Juventus ka nisur manovrat e para të merkatos dhe në qendër të vëmendjes është talenti 19-vjeçar turk, Kenan Yildiz.
Këtë sezon, në debutimin e tij me bardhezinjtë, turku ka realizuar 4 gola në 31 ndeshje.
Kontrata aktuale e Yildiz skadon në vitin 2027, por Juventus kërkon t’ia shtyjë atë edhe me një vit (2028).
Ndaj, palët kanë nisur nga bisedimet për të hedhur firmën në kontratën e re.
Për ta bindur, bardhezinjtë do t’i japin fanellën me numrin 10 (mban nr.15), pasi e konsiderojnë si një lider në të ardhmen. Yildiz edhe pse shumë ndeshje i ka nisur nga stoli, ka treguar talentin e tij në Serie A.
Sipas “Tuttosport”, lojtari është gati të ndërmarrë hapin e madh, por kërkon edhe më shumë garanci. Natyrisht që këtë gjë mund t’ia japë vetëm trajneri i ri, por duket se gjithçka është e sistemuar.
