TIRANË- Kampionati Europian i Futbollit” EURO 2024” krahas spektaklit që pritet të dhurojë me protagonistët në fushën e blertë, organizatorët e kësaj ngjarjeje madhështore kanë menduar t’u ofrojnë sportdashësve dhe ngjarje të tjera kulturore.
Në këtë peizazh ngjyrash dhe emocionesh, përfshihet dhe Shqipëria e cila do ketë pikturën e saj në këtë kompeticion të magjishëm.
Një prej tyre është dhe ekspozita “In motion – Art & Football”, e cila do të vendoset në Muzeun e Futbollit Gjerman, në Dortmund. Lajmin e dha kryeministri i vendit Edi Rama me një postim në Facebook.
“PIKTURA SHQIPTARE NË EURO2024. Kur nuk shkojnë në stadium”, e realizuar në vitin 1986, nga piktori Guri Madhi, bëhet pjesë e ekspozitës “In motion – Art & Football” në Muzeun e Futbollit Gjerman, në Dortmund. Ekspozita gërsheton botën e futbollit dhe të artit. Në një sipërfaqe prej rreth 1000 metrash katrorë, një instalacion hapësinor mundëson ndërveprim mes veprave artistike që trajtojnë temën e futbollit në modernizmin europian të shekullit të 20-të”, shkruan Rama./ abcnews.al
