Shqipëria U-21 luan sot minutat e mbetura të ndeshjes kualifikuese të Euro 2025 ndaj Malit të Zi.
Ditët e fundit trajneri Alban Bushi grumbulloi lojtarin e Dinamos, Klevi Qefalija, i cili zëvendëson Feta Fetain e dëmtuar.
Ndeshja me Malin e Zi luhet në stadiumin Podgoricës, në orën 20:00, por do të vazhdojë nga minuta e 27-të, pasi është ndërprerë në këtë minutë, me rezultatin 0-0.
Shqipëria U-21 mban vendin e 4-t në grup pas 7 ndeshjesh, por ka shanse për kualifikimin, nëse fiton kundër Malit të Zi. Më 11 qershor, kuqezinjtë e vegjël ndeshen me Lihtenshtejnin në stadiumin “Niko Dovana”, në orën 19:00, në një miqësore.
