Julian Nagelsman e ka përdorur shpesh Kai Hverc në profilin e “pykës” “fallco” në majë të sulmit.
Ai ka rezultuar i suksesshëm, duke kontribuar jo vetëm në shënimin e golave, por edhe krijimin e hapësirave për shokët e ekipit. Lojtari i Arsenalit është shprehur i entuziazmuar, duke i thurur elozhe trajnerit të “pancerave:
“Mund të shikohet qartë në stërvitje dhe gjatë ndeshjeve se pas ardhjes së Nagelsman shumëçka ka ndryshuar. Ndihet fryma pozitive në ekip, qeshim më shumë, atmosfera është fantastike.
Ka më shumë gjallëri dhe optimizëm. Ne vitet e shkuara pas disa dështimeve të njëpasnjëshme me garat madhore, kemi marrë leksione të vlefshme.
Konkurrenca në grup është shenjë se po përparojmë. Në krahasim me Fylkrug, kam cilësi të ndryshme. E rëndësishme t’i shërbejmë ekipit. Egoja apo hatërmbetje nuk bën pjesë në kontingjent”, e mbylli Kai Haverc.
Pas miqësores me Greqinë, fokusi i “pancerave” kthehet nga data 14 qershor, hapja e Kampionatit Europian kundër Skocisë në “Olimpiastadion”.
