Arrigo Saki do mbahet mend gjithmonë si një nga trajnerët më të suksesshëm të ekipit të Milanit. Ai ishte trajneri i tyre në epokën më të artë, duke lënë gjurmën e tij dhe vlerësuar si një nga trajnerët më të mirë të historisë së futbollit. Së fundmi ai ka dhënë një intervistë për “La Gazzeta dello Sport”, ku ka folur pak për kombëtaren italine dhe rrugëtimin e tyre në Kampionatin Europian 2024:
“Gjëja që më jep më shumë qetësi është prania e Spaletit. Besoj se ai është trajneri i duhur, një trajner i madh, i aftë për të bërë një lojë të mirë. Ai e tregoi këtë gjë me Napolin dhe besoj se ka zgjedhur djemt e duhur për të bërë një surprizë në këtë kompeticion.
Nuk do të habitesha nëse Italia do të fillonte menjëherë me vrull Europianin. Së pari do të luajmë me Shqipërinë, më pas me Spanjën dhe Kroacinë. Të gjitha kombëtaret duhet të respektohen në maksimum, të përballemi me seriozitet dhe vendosmëri. Splaleti ka një detyrë të vështirë sepse ai duhet të përgatisë për një kohë të shkurtër ekipin për një kompeticion si Europiani, por unë besoj se ai është njeriu i duhur në momentin e duhur.”
SONI SALIHI-PANORAMASPORT.AL
