Entuziazmi është në yje për tifozët e Interit pas fitores së titullit kampion në sezonin e kaluar ku vendosën yllin e dytë në fanellë.
Pas hapjes së fushatës së abonimeve për sezonin e ardhshëm, menjëherë në pak orë janë bllokuar 40 mijë vende në “San Siro” për ata që edhe vitin e kaluar kishin abonim për të parë ndeshjet. Të gjithë madje e kanë konfirmuar edhe për sezonin 2024-2025 pavarësisht faktit se çmimet ishin disi më të larta nga 12% deri në 23%. Kështu që ata që kanë qenë në listë pritjeje kanë ngelur të zhgënjyer sepse nuk ia kanë dalë që të sigurojnë dot prezencën në çdo ndeshje të luajtur në “San Siro”.
Mediat italiane raportojnë se ka pasur një interesim të jashtëzakonshëm. Tani do të hapet një tjetër raund i dytë për ata që duan të marrin abonimin për të gjithë sezonin e Interit por në një tjetër post nga ai që kishin bërë aplikimin më parë. Kjo do të thotë se edhe për sezonin e ardhshëm, Interi pritet të ketë tifozë të panumërt në stadium.
PANORAMASPORT.AL
