Pas titullit kampion, mediat holandeze kanë bërë një qartësim të situatës për mbrojtësin Denzel Dumfris. Anësori nuk ka kaluar sezonin më të mirë të karrierës së tij pavarësisht suksesit. Nuk ka qenë gjithmonë titullar edhe për shkak të dëmtimeve dhe “Telegraf” shkruan se ish-lojtari i PSV-së mund të largohet nga Milano.
Edhe në kombëtaren holandeze ai nuk e ka të sigurt vendin e titullarit dhe duket se Frimpong e ka kaluar në hierarki, pikërisht për faktin se vjen nga një sezon me ulje-ngritje. Kontrata e tij me zikaltrit skadon në vitin 2025 dhe për të kanë shfaqur interes disa skuadra angleze.
DE VRAJ – Mirëpo, Denzel Dumfris nuk është holandezi i vetëm që do të largohet nga kampionët e Italisë. Përveç Klasen, të cilit i skadoi kontrata, në të njëjtën situatë është edhe Shtefan De Vraj. Pas 6 vitesh tek Interi dhe 2 titujve, po mendon që të nisë një tjetër aventurë. Ish-lojtarit të Lacios i ka mbetur vetëm 1 vit kontratë dhe duan ta shesin, për të mos e humbur me parametër zero.
PANORAMASPORT.AL
