Xhamal Musiala është shpallur nga UEFA si njeriu i ndeshjes së djeshme kundër Skocisë, me yllin e Bajernit të Mynihut që garanton se dje nuk ishte maksimumi që Gjermania e tij mund të japë:
“Vërtet ka pasur një periudhë në të cilën jemi kritikuar shumë, por ne të gjithë e dinim se kur të vinte momenti i së vërtetës do të dinim të bënim gjënë e duhur. Edhe unë e thashë se edhe personalisht do të tregoja se çfarë mund të bëja vërtet, pasi ndihem shumë mirë, i gjithë ky grup ka një formë të shkëlqyer, por mbi të gjitha treguam edhe një stil loje të rëndësishëm. Unë njeriu i ndeshjes? Pa dyshim që jam i lumtur, madje mund të kisha bërë edhe diçka më mirë në disa momente, por jam i lumtur dhe këtë çmim e ndaj me të gjithë pjesën tjetër të skuadrës. Bëmë një start të mrekullueshëm dhe mendoj se i kemi bërë të lumtur tifozët dhe popullin tonë. Por ajo që unë mund të garantoj është se nuk ishte ai që u pa ndaj Skocisë maksimumi ynë. Ne jemi një kombëtare që dimë të përshtatemi në varësi të çdo rivali dhe do të shihni në vazhdim se jemi edhe më të fortë sesa kaq”, u shpreh 21-vjeçari.
PANORAMASPORT.AL
