Në prag të debutimit në Euro 2024 kundër Austrisë, Didier Deschamps nuk dëshiron të flasë për politikë dhe zgjedhje dhe të mendojë vetëm për futbollin, por nuk mund të mos thotë se çfarë mendon për frazat kundër Le Pen të disa lojtarëve të ekipit të tij.
“Nuk do të komentoj çfarë thonë lojtarët, të tjerët folën dje, disa duan të flasin më shumë se të tjerët, është normale sepse nuk janë të panjohur për situatën që po kalon Franca. Ata janë futbollistë, por në radhë të parë qytetarë, dhe kanë mundësinë të thonë gjëra që me ndjeshmërinë e tyre ndoshta do të ushqejnë debatin”.
Por më pas ka vend vetëm për synimin për të fituar trofeun e vetëm që si trajner kombëtar i mungon ende (e ka fituar si futbollist, në vitin 2000). Ndërkohë i kujtojnë se si trajner i Francës nuk e ka humbur asnjëherë ndeshjen e parë në ndonjë event madhor.
“Në nivelin më të lartë, askush nuk mund të jetë i sigurt për asgjë.
Ne e kemi analizuar Austrinë dhe kemi të gjitha informacionet. Ajo që mund të shohim është se kjo skuadër luan me shumë intensitet”.
Nga ana tjetër, atij i përgjigjet trajneri rival, Ralf Rangnick, i cili, për të qenë trajner i Austrisë, refuzoi ofertën e Bayernit.
“Franca ka ndoshta skuadrën më të mirë mes të gjithë pjesëmarrësve në Kampionatin Evropian për sa i përket cilësisë së lojtarëve, si në sulm ashtu edhe në mbrojtje.
Për disa gjëra duhet të veprojmë më mirë si skuadër dhe të shfrytëzojmë mundësitë në momente vendimtare, jam i bindur se mund ta bëjmë këtë së bashku. Mbappe? Ai dhe Haaland janë ndoshta sulmuesit më të mirë në botë”:
