Pas prezantimit të sulmuesit Kylian Mbappe, Real Madridi këtë muaj do ta prezantoj edhe një lojtar tjetër.
Bëhet fjalë për brazilianin Endrick, i cili do të jetë pjesë e klubit spanjoll prej sezonit 2024/25.
ADVERTISEMENT
Me anë të një komunikate, Reali ka bërë të ditur se Endrick do të prezantohet më datën 27 korrik në stadiumin “Santiago Bernabeu”, i cili pritet të ketë tifozë në tribuna për ta përshëndetur 17-vjeçarin.
Megjithatë, para prezantimit, Endrick do t’i nënshtrohet kontrollimeve mjekësore dhe do ta firmos kontratën me Realin në praninë e presidentit Florentino Perez.
Ai do të firmos kontratë me ekipin spanjoll deri në vitin 2030 dhe do të jetë nën urdhrat e trajnerit Carlo Ancelotti.
Po ashtu, lojtari që luan në sulm do të flas edhe për mediat në konferencën për shtyp që do të mbahet.
Endrick këtë javë do të mbush 18 vjet, ndërsa është blerë më herët nga Real Madridi.
Klubi mbretëror në dhjetor të vitit të shkuar pagoi 70 milionë euro për Endrickun, i cili qëndroi në huazim te Palmeirasi, ekip ku është zhvilluar.
Gjatë kësaj kohe, Endrick ka regjistruar edhe 10 paraqitje me Brazilin dhe ka realizuar 3 gola.
