Erik ten Hag përgatitet të nisë sezonin e tretë në krye të Manchester United.
Holandezi, këtë sezon duket se do të ketë provën e së vërtetës me tifozët, por edhe drejtuesit që kërkojnë ta shohin skuadrën në majat e klasifikimit të Premier League.
United është shfaqur aktive në merkato ku ka firmosur me Zirkzee dhe Yoro, ndërsa është pranë firmës edhe më emra të tjerë si Ugarte.
Megjithatë, trajneri Ten Hag duket se kërkon më shumë pasi në një intervistë të fundit shprehet se në ndryshim nga skuadrat e tjera, skuadra e tij nuk ka shumë alternativa dhe për këtë arsye edhe mungesat nga dëmtimet ndjehen më shumë në radhët e United.
“Ne ishim dhe jemi ende në proces ndërtimi.
Nëse e krahasojmë skuadrën tonë me atë të klubeve të tjera të mëdha të Premier League, është e vërtetë që kemi më pak alternativa.
Pikërisht, për këtë arsye ishte kaq e vështirë për ne të përballonim ato dëmtime në sezonin e shkuar.
Sezonin e kaluar kemi pasur vazhdimisht dëmtime të lojtarëve në të njëjtat pozicione, të gjithë në mbrojtje. Arriti deri në atë pikë sa nuk kishim pothuajse asnjë mbrojtës në dispozicion”, u shpreh Ten Hag.
