“Calcio & Finanza” bën llogaritë në xhepin e Juventusit kur kanë mbetur rreth njëzet ditë deri në fund të sesionit të merkatos së verës. Klubi bardhezi duket se parashikohet të përfundojë me 189 milionë euro të investuara në kartonë, nëse blerjeve tashmë zyrtare i shtojmë 60 milionë që do të nevojiten për Kopmainersinin dhe rreth 30 që klubi planifikon të shpenzojë për Niko Gonzalez.
Midis 220 dhe 230 nëse shtojmë edhe koston e një mbrojtësi. Bilanci do të prishej në mënyrë dramatike nëse marrim parasysh se bardhezinjtë deri më tani kanë arkëtuar rreth 76 milionë euro nga shitjet.Gjithsesi, gjithçka mbetet brenda kufijve të lejuar, duke qenë se Xhuntoli prodhoi 63 milionë fitime kapitale dhe se Juventusi, mes pagave nga të cilat u çlirua (rreth 25 milionë), amortizimit të disa lojtarëve (rreth 15 milionë) dhe kostove të blerjeve të reja, mund të mburret me një vlerë agregate të operacioneve të kësaj vere, e cila në fund të fundit duhet të ketë një ndikim pozitiv në buxhet (edhe sepse humbja duhet të reduktohet në krahasim me -200 të buxhetit të 2024).
Aq më tepër nëse do të gjenin strehim për tepricat, Zhezni, Kieza, Milik, De Shiljo e ndonjë tjetër.
PANORAMASPORT.AL
