Nico Williams e ka marrë vendimin në lidhje me të ardhmen e tij. Pavarësisht ngulmimit të madh të Barcelonës, sulmuesi bask do të jetë pjesë e Athletic Bilbaos. Të paktën edhe sezonin e ardhshëm.
Klubi ka vendosur ta nderojë kampionin e Europës me numrin 10. Që më parë i përkiste një legjende si Iker Munianin.
Vetë Nico foli rreth këtij vlerësimi, duke theksuar se ndihet krenar që do të jetë ai që do të mbajë veshur numrin e rëndësishëm.
“Jam krenar që mora fanellën me numrin 10 nga Muniain, dua të shkruaj historinë siç bëri ai”, u shpreh 22-vjeçari.
Nico fitoi Kupën e Mbretit me klubin e tij në edicionin e fundit, teksa dha kontribut të jashtëzakonshëm në suksesin e kombëtares spanjolle në Euro 2024.
