Komisari teknik i Ukrainës ishte i ftohtë në analizën e bërë pas ndeshjes së humbur me Shqipërinë. Serhiy Rebrov pranon se të besuarit e tij e kishin shumë të vështirë për të rrezikuar portën e Strakoshës.
“Kishim shumë vështirësi në sulm pasi kishim përballë një rivale të fortë. Shqipëria nuk lejoi asgjë në zonën e saj. E kishim të vështirë të bënim pasime të rrezikshme pranë zonës së Shqipërisë. Nuk mund të shtoj shumë në këtë aspekt, për ta mundur Shqipërinë duhet të bënim shumë”, tha 50-vjeçari.
