Një histori e vitit 2019 ka arritur një dënim: ish-lojtari i Celta Vigo do të duhet të kryejë 20 muaj burg dhe të paguajë dëmshpërblim prej rreth një mijë eurosh.
20 muaj pas hekurave do të duhet të qëndrojë ish-kapiteni i Celta Vigos, Hugo Mallo, i cili është dënuar me burg për një histori të ndodhur në vitin 2019, ku u akuzua se ngacmoi seksualisht maskotën e ekipit rival.
Pas pesë vitesh e gjysmë, drejtësia spanjolle ka vendosur që të dënojë mbrojtësin e krahut që aktualisht aktivizohet në Greqi me Arisin e Selanikut.
Pas ndeshjes kundër Espanyol të luajtur në prill të 2019, Mullo përqafoi një nga dy maskotat e ekipit rival para dhe gjatë prezantimit të skuadrave në fushë.
Sipas dënimit për Mullo, futbollisti do të duhet që përveç burgut të paguaj edhe rreth 1 mijë euro dëmshpërblim për viktimën, për shkak se e ka prekur atë ‘me qëllim për të kënaqur shpirtin e tij epshor dhe për të përçmuar integritetin seksual të vajzës, duke i kapur gjoksin pa pëlqimin e saj’.
Për të dënuar Mallo, vendimtare u bë një video e momentit kur ai ngacmon maskotën, që hodhi poshtë edhe versionin e tij fillestar mbi incidentin.
Carme Coma, vajza që punonte si maskotë e Espanyol, komentoi vendimin duke thënë se më fund ndihet e çliruar.
‘Kam pesë vjet që mbaj presionin, turpin dhe frikën brenda meje. Tani ndihem e çliruar, ndihem e kënaqur. E vërteta doli në dritë dhe nuk u la pa u ndëshkuar’, tha Coma.
