Roma ka barazuar 1-1 përballë Athletic Bilbaos në kuadër të Ligës së Evropës. Ndeshjen më mirë e nisën mysafirët, që krijuan disa raste shënimi, por që u mungoi konkretizimi.
Me kalimin e minutave, Roma filloi ta merrte kontrollin, ndërsa pasoi edhe golin i epërsisë. Ishte minuta e 32-të e takimit kur Angelino asistoi te Artem Dovbyk që realizoi për 1-0.
Në minutën e 54-të, Matias Soule nuk ia doli të mposhte nga afërsia Julen Agirrezabalan, që bëri pritje bravuroze. Bilbao kishte më pas iniciativën, duke e arritur edhe barazimin.
Aitor Paredes ia doli që të shënonte për 1-1 në minutën e 85-të, duke ia siguruar Bilbaos një pikë nga Olympico.
🚨🚨| GOAL: ATHLETIC HAVE EQUALISED AGAINST ROMA!!
Roma 1-1 Athletic Club
— CentreGoals. (@centregoals) September 26, 2024
Në ndeshjen e dytë, Roma do të përballet më një kundërshtar më të lehtë, siç është Elfsborg. Ndërkohë, Ajax ka shënuar plot katë gola ndaj Besiktas, ku luajnë Muçi, i cili nuk u aktivizua në këtë përballje dhe Rashica i cili e nisi si titullar.
