Gazetari norvegjez, Erik Heimdal thotë se i pëlqen shumë futbolli që e aplikon kosovari, Edon Zhegrova.
Futbollisti kosovar e ka nisur për mrekulli sezonin 2023/24, ku ka paraqitje fantastike, teksa në ndeshjen e Champions League, ai fitoi edhe çmimin “Lojtari i Ndeshjes”, shkruan GazetaBlic Sport.
Heimdal thotë se Zhegrova i ka bërë shumë përshtypje, teksa potencon se ai është gati për të bërë hapin e madh në karrierë.
“Më ka bërë shumë përshtypje Edon Zhegrova në ndeshjen ndaj Real Madridit. Ishte fantastik në fushë, kishte drbilime të mrekullueshme ndaj lojtarëve madrilenë. Isha me të vërtetë, tejet, tejet i mahnitur nga paraqitja e tij. Zhegrova është 25 vjeç tani dhe mendoj se është gati të bëjë hapin e ardhshëm, duke u transferuar në një klub më të madh”, tha fillimisht Heimdal për ‘GazetaBlic Sport’.
“Nuk ka shumë lojtarë si Zhegrova që të bëjnë të çohesh nga karrika kur shikon futboll, ai e luan futbollin e bukur, është unik. Mezi po pres të shoh se ku do të transferohet, sepse skuadrat e mëdha do ta ndjekin”, përfundoi ai.
/GazetaBlic Sport
