Bashkia e San Donatos, ku Milani po zhvillon një projekt paralel për stadiumin e ri, është pozicionuar me një shënim zyrtar pas vendimit të klubit kuqezi për të ndërtuar së bashku me Interin në zonën e “San Siro”-s.
Përballë lajmeve dhe deklaratave të fundit të shtypit nga Milani, të cilat sugjerojnë që ndërtimi i stadiumit të ri në zonën e “San Siro”-s të konsiderohet si hipotezë konkrete, kryebashkiaku Skueri ka kërkuar një takim urgjent me drejtuesit e lartë të Milanit.
Ky takim është i një natyre sqaruese në lidhje me projektin e stadiumit në San Donato, duke pasur parasysh gjithashtu se procesi administrativ që po zhvillohet tani kërkon seriozitet dhe transparencë ndaj institucioneve të përfshira dhe të gjithë qytetarëve të San Donatos. Kujtojmë se mbi këtë zonë Milani kishte investuar rreth 100 milionë euro për blerjen e terreneve.
PANORAMASPORT.AL
