Reali i Madridit dhe Barcelona do të takohen këtë të shtunë në “Bernabeu” në “El Clasico”- n e parë zyrtar të sezonit.
Fitoret e fundit më të thella në një ndeshje si kjo kanë qenë 0- 4 dhe 4-1 për Realin kundër Barcelonës dhe 5-1 për katalanasit kundër “Los Blancos”. Megjithatë, ato nuk janë rezultatet më të thella në historinë e ballafaqimeve mes tyre.
11-1: KUPA 1943 – Reali mundi Barçën 11-1 për të përmbysur 3-0 në ndeshjen e parë dhe për të shkuar në finalen e Kupës së Spanjës. Kjo është dhe fitorja më e thellë në “El Clasico”. Në atë ndeshje Sabino Barinaga shënoi një poker golash.
8-2: LIGA 1934-1935 – Reali fitoi 8-2 në “Chamartín” me Ildefonso Sanjudon që shënoi katër gola.
7-2: LIGA 1950-1951 – Është fitorja më e thellë që Barcelona regjistron ndaj Realit.
6-1: KUPA 1957 – Barcelona mundi Madridin në çerekfinalen e Kupës. Pas 2-2 në ndeshjen e parë, Barça shpërtheu në të dytën 6-1 me katalanasit që shkuan të fitonin kupën e Spanjës.
2-6: LIGA 2008-2009 – Barça e Guardiolës mposhti Realin në “Bernabeu” në një fitore historike.
PANORAMASPORT.AL
