Derbi i Torinos mbërrin në javën e 12-të të Serie A, e planifikuar për nesër në “Allianz Stadium”, prej orës 20:45.
Në konferencën për shtyp, trajneri Thiago Motta bëri bilancin e çështjeve të momentit dhe derbit të tij të parë në Mole: “Ndjesitë janë të mira, sepse e shoh ekipin në formë, me qëndrimin e duhur. Në prag të sfidave të tilla atmosfera është e veçantë, mendojmë këtu edhe tifozët tanë. Pra, duhet të japim maksimumin, të luajmë një ndeshje të madhe”.
Çfarë është e veçantë për këtë “Derby della Mole”?
Rëndësia e një derbi dihet, qyteti e jeton atë intensivisht, ashtu si ne. Janë ndeshje të mira për t’u luajtur, ekziston atmosferë e veçantë, të dyja skuadrat janë të vetëdijshme për rëndësinë. Ne do të duhet të luajmë një ndeshje të mrekullueshme për të dalë me tri pikët.
Si u kthye skuadra nga Lille në nivel fizik?
Shumë mirë, kemi pasur 3 ditë rikuperimi. Unë e shoh shumë mirë skuadrën, kam besim në angazhimin e të gjithëve, si nga fillimi, ashtu edhe gjatë ndeshjes. Do të hyjmë në ndeshje të karikuar 200%. Kjo vlen për cilindo që do të luajë, nga fillimi apo gjatë lojës.
A keni pasur mundësi të njiheni me qytetin?
Sinqerisht, nuk jetoj shumë në qytet. Sidoqoftë, ndihem i privilegjuar, sepse gjatë gjithë karrierës sime kam pasur fatin të jetoj në një qytet të bukur. Sot jam i privilegjuar të jem në një ekip të madh dhe të jetoj në një qytet të tillë kaq futbolldashës.
