Milani pati vështirësi në Champions League, por në fund u kthye nga Sllovakia me tri pikët. Një ndeshje e vështirë ndaj Slovan Bratislavës, por që nuk e shqetësoi shumë Paulo Fonseca-n pavarësisht dy golave të pësuar: “Ne fituam tri ndeshjet e fundit, duke shënuar nëntë gola dhe duke dominuar pothuajse gjatë gjithë ndeshjes. Kemi bërë shumë gjëra pozitive, edhe pse ka gjëra për të përmirësuar, duke qenë se në pjesën e parë i dhamë Slovan dy apo tre mundësi”.
Mes protagonistëve të suksesit të Milanit është sigurisht Rafael Leao, i cili, i aktivizuar gjatë ndeshjes në vazhdim, i lejoi kuqezinjtë të përfundonin punën. “Unë flas gjithmonë me Rafën. Sot ai e di pse nuk luajti që në fillim. E kuptoi dhe kur hyri ishte vendimtar. Jam i kënaqur me qëndrimin e tij, veçanërisht kur ai mbetet në pankinë tregon se dëshiron të luajë për të bërë mirë”.
