Atalanta vazhdon të shkruajë histori edhe pa sulmuesin e saj kryesor, Mateo Retegui, i cili u detyrua të largohej nga fusha pas vetëm 20 minutash në sfidën kundër Empolit në ‘Geëiss Stadium’.
Skuadra e Gian Piero Gasperinit përmbysi disavantazhin fillestar, ku Colombo kaloi miqtë në epërsi. Barazimi erdhi nga De Ketelaere, ndërsa Lookman shënoi golin e përmbysjes. Në fund, De Ketelaere ishte përsëri protagonist, duke realizuar golin e fitores 3-2 dhe duke anuluar efektin e penalltisë së shënuar nga Esposito për Empolin.
126 gola në vitin 2024
Me këta tre gola, Atalanta ka arritur në kuotën e 126 golave në një vit kalendarik, një shifër që nuk është arritur kurrë më parë në historinë e klubit. Goli i parë i De Ketelaere, i cili barazoi ndeshjen në 1-1, ishte gjithashtu ai që vulosi rekordet historike të klubit.
Sipas të dhënave të Opta-s, ky ishte goli i 124-t i Atalantës në vitin 2024, duke tejkaluar rekordin e mëparshëm të 123 golave të arritur në vitin 2021.
Atalanta po kalon një periudhë të artë dhe historike që klubi nuk e kishte përjetuar kurrë më parë në ekzistencën e tij.
