Manchester City nuk ka arritur të rikthehet tek fitorja as në xhiron e 18-t të kampionatit anglez.
Të enjten në mesditë, në ndeshjen hapëse të kësaj xhiroje, City barazoi 1:1 në shtëpi kundër skuadrës së Evertonit.
City kaloi në epërsi në minutën e 14-të me anë të Bernardo Silvas, ndërsa shifrat i barazoi Iliman Ndiaye në minutën e 36-të.
Në fakt, City pati mundësinë ta fitoj ndeshjen, por sulmuesi Erling Haaland dështoi nga penalltia kurse tek Evertoni prej minutës së 70-të u inkuadrua Armando Broja.
Me këtë barazim, City ka tubuar 28 pikë, 11 më shumë se Evertoni që renditet në pjesën e poshtme të tabelës.
Forma e dobët e ekipit të Pep Guardiolas po vazhdon pasi në 13-të ndeshjet e fundit City ka vetëm një fitore karshi 9 humbjeve dhe 3 barazimeve.
