Ekipi i Liverpool shënoi fitoren e radhës në Premier Ligë, duke thelluar në tetë pikë diferencën ndaj Nottingham Forest.
Viktima e radhës së yllit egjiptian Mohamed Salah dhe bashkëlojtarëve të tij ishte West Ham United, i cili në “London Stadium” pësoi hiq më pak se pesë gola.
E gjitha puna u krye në 45 minutat e parë kur Diaz, Gapko dhe Salah shënuan në minutat 30’, 40’ dhe 44’.
Liverpool shënoi golin e katërt përmes Trent Alexander-Arnold në minutën e 54-të, pas asistimit të Ryan Gravenberch. Ndërsa për herë të pestë në portën e West Ham në këtë ndeshje shënoi Diogo Jota në minutën e 84-të, pas asistimit të Mohamed Salah.
Skuadra nga “Anfield” forcon pas 19 xhirosh pozitën e liderit, me 14 fitore, tri barazime dhe një humbje, por një ndeshje më pak. West Ham United renditet i 13-ti me 23 pikë.
