Merkato e janarit mund të rezervojë më shumë se disa surpriza. Sidomos te Milani, ku po hartohet një plan për të vendosur disa lojtarë diku tjetër e për të rishikuar skuadrën në tërësi.
Gjithashtu i drejtuar drejt daljes dhe me valixhet në dorë është Samuel Çukvueze. Sipas asaj që ka zbuluar portali turk “Fanatik”, nigeriani i është propozuar përmes agjentëve të tij Beshiktashi. Duket se 25- vjeçari synon të ndahet nga Milani, duke mos qenë në përputhje me planet për sezonin e ri, pavarësisht se 21.1 milionë euro u paguan për të në verën e vitit 2023 për ta marrë nga Vijarreali.
Tashmë, mbetet për të kuptuar lëvizjen e radhës të klubit, si dhe se si mund të arrihet marrëveshja. Ndërkohë, gjithmonë e më shumë po shtohen zërat për largimin e Davide Kalabrias. Me sa duket kapiteni nuk dëshiron të presë fundin e sezonit kur i mbaron kontrata dhe mund të largohet që në janar, pasi të ketë gjetur një marrëveshje me Milanin.
PANORAMASPORT.AL
