Milani ka barazuar me shifrat 1-1 kundër Romës dhe vazhdon të humb rrugën jo vetëm të titullit, por edhe të Champions League.
Një ngjarje e pazakontë ishte ajo e sotmja teksa në mes të ndeshjes u njoftua se Fonseka nuk do të jetë më trajneri i Milanit, madje u zbulua edhe emri i trajnerit të ri, Sergio Conceicao.
Gjithçka rezultoi të ishte e vërtetë dhe u konfirmua në mbarim të ndeshjes.
Pavarësisht se në fillim në konferencën për shtyp Fonseka mohoi lajmin dhe tha se nuk kishte një sinjal për një largim, në momentin kur ka lënë stadiumin dhe është nisur drejt shtëpisë me makinën e tij, ka konfirmuar gjithçka me një deklaratë në Sky:
“Kam folur me drejtuesit e klubit dhe po është e vërtetë, më pushuan nga puna. Unë kam bërë gjithçka munda, por kjo është jeta”, tha Fonseka.
