U transferua me bujë të madhe, por Ergys Kaçe u largua pa lënë gjurmë në futbollin e Kosovës.
Skuadra e Gjilanit, të mërkurën mbrëma ka njoftuar se me marrëveshje të dyanshme ka ndërprerë bashkëpunimin me ish-mesfushorin e Kombëtares së Shqipërisë.
Gjilani ka falënderuar Kaçen për kontributin, si dhe i ka dëshiruar suksese në karrierë.
Kaçe para fillimit të këtij sezoni iu bashkua Gjilanit si lojtar i lirë, por në total në stinorin vjeshtor ka regjistruar 7 paraqitje në Superligë.
31-vjeçari ishte vlerësuar si përforcim i madh për mesfushën e Gjilanit, por nuk arriti ta dëshmoj veten dhe të bind me paraqitjet e tij për një vend titullari.
Teilen:
