Arbër Hoxha e nisi flakë sezonin e ri te Dinamo Zagrebi pas atij Europianit të shumëkomentuar kur të gjithë tifozët e Shqipërisë iu kthyen kundër Silvinjos për të. Gola dhe spektakël të dhuruar në javët e para, por me ndërrimin e trajnerëve, ambienti u vështirësua shumë për shqiptarin.
Pavarësisht se ekipi i tij u kualifikua në Champions League dhe tani ky kompeticion po shkon drejt fundit, Arbër Hoxha nuk e ka parë kurrë fushën nga minuta e parë në Champions.
Ndërkohë në mediat italiane qarkulloi lajmi se Lecce kërkon ta transferojë në merkaton e dimrit.
Ata besojnë në aftësitë e këtij futbollisti, por tani pritet përgjigja e Dinamo Zagrebit. Vetëm pak kohë më parë është zyrtarizuar Fabio Cannavaro si trajneri i ri.
Shumë shpesh trajnerët e rinj kërkojnë të bëjnë menjëherë një gjetje të tyre në formacion dhe nuk përjashtohet mundësia që Cannavaro të investojë te Arbër Hoxha duke parë potencialin e këtij lojtari.
E ndërsa pritet ende përgjigja e Cannavaro-s, e ardhmja e Arbërit duke në pezull.
