Arlind Sadiku është në qendër të vëmendjes nga mediat në Serbi.
Një deklaratë e komentatorit dhe gazetarit sportiv, Arlind Sadiku, ka elektrizuar mediat në Serbi.
“Gazetari shqiptar Arlind Sadiku, i njohur për tifozët tanë vetëm si njeriu që provokoi futbollistët serbë në Kampionatin e kaluar Evropian, pretendon se dueli Serbi – Shqipëri nuk do të luhet në Beograd”, shkruan media serbe “Veçernj Novosti”.
“Kujtojmë se dy kombëtaret e sipërpërmendura janë në të njëjtin grup në eliminatoret e Botërorit dhe ndeshja e parë mes Shqipërisë dhe Serbisë do të luhet më 7 qershor në Tiranë, ndërsa në tetor në Beograd”, shkruan më tej.
Nga ana tjetër media boshnjake “sportport.ba” ka publikuar një deklaratë të Sadikut.
“Ndeshja Serbi – Shqipëri nuk do të luhet në Beograd. Aktualisht, Novi Sad është një opsion.
Tifozët shqiptarë nuk pritet të jenë të pranishëm për arsye sigurie. Po ashtu, në Tiranë nuk do të ketë tifozë serbë që janë dënuar”, ka thënë Arlind Sadiku.
