Barcelona ka konfirmuar një lëndim të Dani Olmo, pas një largimi të tij gjatë ndeshjes kundër Osasuna në pjesën e parë.
26-vjeçari ka një lëndim në muskujt e këmbës, të cilin e ka pësuar pas shndërrimit të një penalltie në fitoren 3-0 kundër “Los Rojillo”.
Megjithatë, Blaugranasit kanë konfirmuar se ai do të jetë jashtë për tre javë, që do ta ‘përjashtojë’ jo vetëm nga ndeshja e parë, por edhe nga ndeshja e kthimit në Gjermani ndaj Dortmundit, në Ligën e Kampionëve.
Aktualisht, ai pritet të mungojë në ndeshjet: Girona (Shtëpi), Atletico Madrid (Jashtë), Real Betis (Shtëpi), Dortmund (Shtëpi), Leganes (Jashtë) dhe Dortmund (Jashtë). Nëse plani i rikuperimit ndiqet, ai mund të jetë i disponueshëm për ndeshjen kundër Celta Vigo në shtëpi më 19 prill.
Kjo është pozita ku Barcelona ka më shumë thellësi, me Raphinhën, Pedrin, Fermin Lopez, Gavi dhe Pablo Torre të gjithë të aftë të luajnë pas Robert Leëandoëski, megjithatë duket më e mundshme që Gavi do të përdoret para Pedri dhe Frenkie de Jong.
Kjo megjithatë e privon Hansi Flick nga thellësia, dhe asnjë prej këtyre alternativave nuk ka treguar as shpejtësinë e këmbëve dhe as vizionin që Olmo sjell.
Mund të thuhet se Torre është më i afërti në profil, megjithëse është ende më i ulëti në renditje deri tani.
