Peja ka triumfuar në derbin ndaj rivalit të vjetër, Sigal Prishtinës me rezultat të thellë 100:70 (20:29, 20:13, 27:19, 33:9), në javën e 26-të të ProCredit Superligës.
Në dhjetë minutat e fundit, pejanët dominuan tërësisht, në mbrojtje dhe në sulm, për të thelluar epërsinë, ku në fund triumfuan me 30 pikë dallim, 100:70.
Pesë basketbollistë te vendasit shënuan pikë dyshifrore, derisa Benas Griciunas e mbylli ndeshjen me 18 pikë e 11 kërcime, ndërsa Dardan Berisha me 17 pikë e katër asistime.
Te mysafirët Rashid Mahalbasiq kishte dhjetë pikë e 13 kërcime.
Peja ka 14 fitore e 12 humbje, ndërsa Sigal Prishtina ka 16 fitore e dhjetë humbje.
