Presidenti i nderit i Bajern Mynihut, Uli Hënes, ka dhënë një intervistë për “Welt am Sonntag”, ku ka folur për gjendjen financiare të klubit. Ai ndër të tjera zbulon se ka ëndërrur që Tomas Myler shënonte kundër Interit dhe që në fund ngrinin lart trofeun me veshë të mëdhenj. 
“Bajerni duhet të kursejë qartë. Nuk ka mbetur shumë në rezervat tona të bilancit. Ne duhet të rishqyrtojmë menaxhimin tonë ekonomik. Klubit mund t’i duhet të përdorë kredi bankare. Diçka e re për Bajernin. Për transferimin e Florian Virc do të na duhej një fond i veçantë, siç është ai i qeverisë federale. Prandaj, për momentin ky nuk është problem. Kam ëndërruar që do të fitonim finalen e Championsit dhe që Tomas Myler do të shënonte golin vendimtar. E uroj atë me gjithë zemër. Ndonjëherë ëndrrat bëhen realitet”, u shpreh ai.
PANORAMASPORT.AL
