Julio Cesar ka besim se Interi këtë vit mund të shkruajë historinë si Interi i tripletës së vitit 2010. Ai mendon se skuadra e trajnerit Inzaghi i ka të gjitha për të arritur këtë sukses.
“Sigurisht që Interi mund të arrijë suksesin tonë të vitit 2010. Kur arrin këto nivele, pse të mos ëndërrosh? Fitorja me Bayern ka dhënë siguri”.
“Mbaj mend ndeshjet me Barcelonën në 2010. Pas fitores 3-1, sapo kishim mbërritur në hotel dhe ndezim televizorin.
Po shihja lojtarët e Barcelonës duke ftuar tifozët për përmbysjen në ndeshjen e kthimit. Ishte një ndeshje epike, ku shkruam historinë e jetës sonë”.
“Sommer? Po, është një portier paksa i nënvlerësuar. Për të flitet pak. Ai sjell siguri në skuadër”.
