Ish-sulmuesi i Anglisë, Geri Lineker në podkastin “The Rest is Football” e ka emëruar sulmuesin e talentuar të Barcelonës, Lamine Jamal, si ‘të zgjedhurin’ e radhës në futboll, duke ndjekur hapat e Pele, Diego Maradona dhe Lionel Mesi.
“Jamal është i zgjedhuri i radhës pas Pele, Maradona. Unë e mendoj kështu dhe dua të ushtroj shumë presion mbi të, por kurrë nuk kam parë diçka të tillë si ai në moshën e tij”, tha Lineker.
Ish-trajneri i të rinjve të Jamal, Havier Saviola, ndau gjithashtu mendimet e tij, duke theksuar pjekurinë dhe lidershipin e adoleshentit në një moshë kaq të re.
“Ajo që na bëri më shumë përshtypje, përtej aftësive të tij në futboll, ishte personaliteti i tij i jashtëzakonshëm. Në moshën 15-vjeçare, ai tashmë po luante për skuadrën e të rinjve, duke konkurruar kundër lojtarëve deri në 19 vjeç, dhe megjithatë ai spikaste ende”, tha Saviola.
PANORAMASPORT.AL
