Dita e shumëpritur ka ardhur. Xhorxho Furlani ndodhet në Romë për të takuar Igli Taren.
Ish-drejtori i Lacios tashmë konsiderohet alternativa kryesore për të qenë drejtori i ri sportiv i Milanit. Në vazhdim pritet të mbahet një takim vendimtar, që do të vendosë shumë për vazhdimësinë.
Furlani, CEO i Milanit, kishte si preferencë Fabio Paratiçin. Takimi me 52-vjeçari ndodhi dhe nuk u arrit në marrëveshje për shkak të kontratës.
Tashmë është radha e Tares. I kërkuar nga Milani edhe më parë, ish-lojtari i Kombëtares shqiptare mbahet mend për 15 vitet e kaluara te Lacio si drejtor sportiv. Milani pritet të ketë një revolucion në merkaton e verës dhe për këtë Tare mund të jetë në krye të tij.
PANORAMASPORT.AL
