Josua Kimish ka një peng të madh për dy ndeshjet që Bajerni nuk ka arritur të fitojë, atë ndaj Interit dhe për barazimin ndaj Dortmundit. Sipas tij, bavarezët kanë qenë më të mirët në fushë.
“Më mërzit dhe më bezdis fakti që në fushën e lojës kemi qenë skuadra më e mirë, por kjo gjë nuk është reflektuar në rezultatin përfundimtar të ndeshjes. Ne duhet që të besojmë dhe të jemi më të zotët dhe të saktë përpara portës kundërshtare.
Jemi duke u impenjuar me të gjitha mënyrat dhe po krijojmë raste. Në fillimin e sezonit po bënim më mirë në këtë aspekt”, tha Kimish. Më tej ai foli specifikisht për duelin kundër Interit.
“Në rast se do të shfrytëzojmë rastet, sigurisht që mund ta përmbysim ndeshjen dhe të kualifikohemi. Por në rast se vazhdojmë që të shpërdorojmë mundësitë, nuk do t’ia dalim të kapim gjysmëfinalet.
Duhet të jemi më kreativë dhe t’i bëjmë mbrojtësit e tyre që të lëvizin më shumë dhe të krijojmë hapësirat për sulmuesit. Kjo është strategjia që duhet të ndjekim”, ka thënë mesfushori gjerman.
PANORAMASPORT.AL
