Basketbollistet e Bashkimit kanë fituar titullin e kampionit në Superligën e Kosovës në basketboll.
Të martën, Bashkimi u konfirmua kampion pasi në ndeshjen e tretë finale të play-offit mposhtln Pejën 03.
Dueli i luajtur në Prizren, përfundoi 69:58 për Bashkimin, i cili serinë finale e fitoi 3:0.
Bashkimi prej fillimit ishte ekip më i mirë dhe në fund mbrojti titullin e kampionit.
Adrienne Godbold me 22 pikë e 14 kërcime ishte më e dalluara te Bashkimi, ku i veçuan edhe Arbnore Përquku me 14 e Brooque Williams me 13 pikë të shënuara.
Te Peja 03, Sara Vraniqi me 12 pikë ishte më efikasja.
Për Bashkimin, ky është titulli i tretë rresht dhe “tripleta” e tretë në basketbollin kosovar.
Këtë sezon, Bashkimi e ka fituar edhe Superkupën e Kupën e Kosovës për ta vulosur historinë.
