Futbollisti i Kombëtares së Shqipërisë, Rey Manaj, në rrjetet sociale ka kërkuar falje për një pankartë të mbajtur ditë më parë nga ai dhe bashkëlojtarët te Sivasspori.
Në këtë pankartë shkruhej “Lindja natyrale është normale” dhe ky mesazh shkonte për gratë në Turqi.
Manaj mori shumë mesazhe në rrjetet sociale, pikërisht nga gjinia femrore, duke detyruar më pas për të bërë një kërkim falje.
“Kam marrë mesazhe nga gratë në rrjetet sociale. Nuk e kisha idenë se çfarë shkruhej në pankartë. U kërkoj falje të gjitha grave në emrin tim. Është trupi juaj, vendimi juaj”, ka shkruar futbollisti shqiptar në rrjetet sociale
28-vjeçari gjatë këtij sezoni ka shënuar 10 gola dhe ka bërë pesë asiste në 23 ndeshje në Superligën e Turqisë.
