Kilië Mbape do të mungojë në dy ndeshjet e radhës të Realit të Madridit në La Liga (të dielën dhe të martën e ardhshme), por ai do të jetë gati për ndeshjen e 26 prillit në finalen e Kupës së Spanjës kundër Barcelonës.
Sulmuesi francez u është nënshtruar testeve pas dëmtimit të pësuar në ndeshjen e Ligës së Kampioneve kundër Arsenalit. Nga analizat e kryera ka rezultuar se Mbape ka një dëmtim jo të rëndë në kyçin e këmbës dhe ai do të jetë gati për finalen e “Copa del Rey” në Sevilje kundër Barcelonës.
Ky është një lajm ngushëllues për Realin pas goditjes së rëndë të shkaktuar nga eliminimi nga Arsenali. Mbape do të mungojë kundër Bilbaos të dielën edhe për faktin se është i pezulluar, si dhe në ndeshjen e mesjavës së ardhshme kundër Getafes në “Coliseum”.
Mbape numëron 33 gola këtë sezon, duke qenë golashënuesi më i mirë i Realit. Ndonëse ai ka ngadalësuar disi në javët e fundit, prania në finalen e Kupës së Mbretit është jetike.
PANORAMASPORT.AL
