Kevin de Bryjne ishte lojtar i Çelsit për dy vjet midis 2012 dhe 2014, por mundësia për të treguar veten iu dha në vetëm 9 prezenca.
Zhoze Murinjo preferonte lojtarë të tjerë dhe vendosi ta shiste belgun që u shndërrua në legjendë të Mançester Siti ku fitoi gjithçka. Por, një rikthim të Çelsi nuk duket aq i ndërlikuar. Jo për Xho Kol të paktën. Anglezi ka këshilluar ish-klubin e tij të mendojë për rikthimin e De Bryjnes, sepse në moshën 33-vjeçare mund të japë ende shumë.
“Çelsit i duhen lojtarë me përvojë. De Bryjne mund të jetë pak i konsumuar, por përvoja e tij do të ishte shumë e dobishme për të rinjtë e shumë në radhët e Çelsit. Në moshën që ka, mund të garantojë të paktën 30 ndeshje cilësore në sezon”, ka thënë ish-fantazisti që mund të shohë dëshirën e parealizuar.
Shkaku do të ishte Devid Bekham, që po punon për ta marrë belgun tek Inter Majemi.
PANORAMASPORT.AL
