Armando Broja luajti sot ndeshjen e dytë radhazi si titullar nën drejtimin e Devid Mojes. Sulmuesi i Kombëtares pati 63 minuta në këmbët e tij, ndërsa më pas u zëvendësua. Evertoni pësoi dy gola në minutat e fundit dhe sfida e Premier Ligë pa Mançester Sitin si fitues.
Broja nuk pati hapësira për të treguar potencialin e tij. Drithërimat e vërteta te porta e Sitit erdhën në pjesën e parë ku ishte Broja që e fitoi goditjen e këndit.
Shtylla e goditur më pas nga shoku i skuadrës, bëri që Everton të flirtonte me golin. Kjo fitore i jep zemër Sitit në javët e mbetura ku synohet qëndrimi në zonën Champions. Në anën tjetër Evertoni luan pa objektiva.
Lajm i mirë nga Everton mbeten minutat që Broja po merr. Sulmuesi i Kombëtares është i huazuar nga Çelsi.
Rasti i Brojës dhe më pas shtylla e goditur nga Everton: (VIDEO)
PANORAMASPORT.AL
