Sulmuesi brazilian Rafinja ishte ai i cili vulosi përmbysjen e çmendur të Barcelonës përballë Selta Vigos në minutat shtesë të ndeshjes. Braziliani shënoi në shtesë penalltinë që i dha suksesin skuadrës së tij në këtë duel shumë të rëndësishëm për luftën në La Liga.
Por një veprim i tij para se të gjuante penalltinë, po bën xhiron e rrjetit. Në video shfaqet Rafinja i cili merr një shishe me ujë pranë portës, kur po shkonte të merrte topin për të goditur.
Sulmuesi brazilian derdh shishen me ujë mbi top dhe më pas e merr sferën që të shkojë të gjuajë.
Raphinha poured water on the ball before taking the penalty. #barcavigo
pic.twitter.com/Oq8jaOF6yw— Furious Raphinha 🤬 (@FuriousRaphinha) April 20, 2025
Nuk dihet nëse është besëtytni apo hile e brazilianit që topi t’i shkiste nga duart portierit nëse e devijonte atë. Tifozët gjithsesi janë të çuditur se si gjyqtari ka lejuar një gjë të tillë, për shkak se në teori, lojtarët nuk duhet të lejohen ta bëjnë një gjë të tillë.
PANORAMASPORT.AL
