20% e golave që Juventusi ka pësuar deri tani në kampionat kanë ardhur nga një goditje nga këndi. Përkthyer në shifra: 6 nga 30.
Asnjë skuadër tjetër nuk vuan aq shumë sa “Zonja e Vjetër” kur përballet me gjuajtje (apo zhvillime të tyre) nga një kënd kundërshtar. Kjo është “thembra e Akilit” për skuadrën e Tudor, dhe më parë të Motës. Ato goditje standarde janë bërë përkundrazi pika e fortë e një Parme më cinike se kurrë në atë aspekt.
Statistikat nuk lënë shumë vend për interpretime: 22% (8 nga 37) e golave të skuadrës së Kivu dhe më parë e Pekias kanë lindur pikërisht nga një goditje nga këndi. Në “Tardini”, kjo përballje përfaqëson dy skaje të kundërta të së njëjtës situatë. Çështje centimetrash në zonë, përvoje dhe markimesh. Duke hyrë pak më thellë në mungesën kryesore të Juventusit, një tjetër statistikë e bën edhe më të qartë sa e ekspozuar është skuadra kur kundërshtarët përpiqen ta godasin me kokë (pavarësisht nëse aksioni vjen nga këndi apo jo).
Vetëm Monza (17) dhe Torino (10) kanë pësuar më shumë gola me kokë se Juventusi (9) këtë sezon. Diçka që nuk ndodhte që nga sezoni 2010/11 (edhe atëherë 9 gola të pësuar me kokë). Pra, goditjet nga këndi nuk janë një pikë e fortë për Juventusin as në aspektin sulmues.
Deri tani në sezon, vetëm 4 nga 49 golat e shënuar kanë ardhur nga goditje standarde (njësoj si Empoli). Në këtë klasifikim të veçantë, Juve renditet e parafundit në Serinë A, pasi vetëm Monza ka bërë më keq, dhe e 94-ta nga 98 skuadra në pesë kampionatet më të forta europiane. Nga këndi, Juventusi ka shënuar vetëm 3 gola, pra 6% e totalit, përqindja më e ulët në të gjithë Serinë A. Një rekord negativ që e ndan me Bolonjën.
PANORAMASPORT.AL
