Strahinja Pavloviç ishte i pari nga futbollist kuqezi që doli përpara mediave pas ndeshjes së djeshme me Atalantën.
I mërzitur për humbjen, por edhe i vetëdijshëm se Milani duhet të kthejë faqe pasi të mërkurën është derbi në gjysmëfinalen e kthimit të Kupës së Italisë. Lidhur me atmosferën, serbi deklaroi:
“Natyrisht jemi të mërzitur. Nuk e nisëm mirë, por ishim solidë dhe mund të kishim bërë diçka më tepër që në pjesën e parë. Pas pushimit, hymë në fushë më të bindur dhe patëm disa raste për avantazh përpara se të ndëshkoheshim.
Mëkat kjo humbje, sepse po luanim mirë, por tani duhet të mendojmë për Interin”.
PANORAMASPORT.AL
