Rafinja (28 vjeç) ishte vendimtar me dygolëshin e tij për t’i dhënë një dorë Barcelonën në përmbysjen spektakolare të së shtunës kundër Seltës.
E tij ishte penalltia në minutat shtesë që vulosi fitoren blaugrana. Pas ndeshjes në “Montjuiç”, ai tha fjalë të mira për trajnerin e tij Hansi Flik, të cilin dëshironte ta falënderonte që i besoi verën e kaluar për të vazhduar te Barça përballë thashethemeve për një largim të mundshëm nga klubi.
“E vërteta është se për mua ajo bisedë me trajnerin Flik në verë ndryshoi praktikisht gjithçka. Siç e kam thënë edhe në raste të tjera në intervista, po largohesha nga klubi para se të fillonte sezoni.
Trajneri ishte jashtëzakonisht i rëndësishëm në ndryshimin e mendjes sime. Për mua, siç e kam thënë, për gjithçka të mirë po bëj në futboll i detyrohem atij (Flikut)”, tha Rafinja për “DAZN”.
PANORAMASPORT.AL
