E ardhmja e Rodrigo Goesh varet nga një takim dhe një bisedë me trajnerin Ksabi Alonso.
Kështu bëjnë me dije mediat spanjolle, që u referohen burimeve nga klubi.
Në ditën e prezantimit të tij si trajner i Realit, Ksabi Alonso bëri me dije se llogarit Rodrigon në planet e tij.
Por deri më tani nuk është se ka pasur një bisedë mes të dyve në lidhje me situatën më të fundit.
Rodrigo po stërvitet në Madrid për t’u riaftësuar në një dëmtim. Me shumë gjasa takimi mes palëve do të mbahet në ditët e ardhshme para se Reali të nisë përgatitjet për Kupën e Botës për Klube, që starton më 14 qershor në SHBA
. Zhvillimet në Spanjë në lidhje me brazilianin nuk po kalojnë pa u vënë re. Sipas mediave britanike janë dy klube të Premier Ligës, Arsenali dhe Çelsi, që interesohen për shërbimet e Rodrigos.
